Themeluesi i WikiLeaks, Julian Assange u dënua në Londër për shkak të shkeljes së kushteve të garancisë së sigurisë me 50 javë burg.
Vendimin e mori Southwark Crown Court në Londër dhe ky nuk mendohet se do të jetë i vetmi vendim gjyqësor kundër Assange.
Julian Assange u arrestua në fillim të prillit, pasi kishte gjetur strehim me vite të tëra në Ambasadën e Ekuadorit.
Themeluesi i platformës së zbulimit WikiLeaks, u arratis në vitin 2012 në Ambasadën e Ekuadorit.
Në këtë moment atë duhet ta ekstradonin në Suedi, ku duhej të dilte para gjyqit nën akuzën e përdhunimit dhe të dhunës seksuale.
Assange kishte frikë se Suedia do ta ekstradonte në SHBA, ku e kërcënon një proces për shkak të dokumenteve amerikane për luftërat në Afganistan dhe Irak, të publikuara në WikiLeaks.
Qeveria e SHBA ka paraqitur një kërkesë për ekstradim, kundër së cilës Assange do të paraqesë kundërshtime.
