Vetëm pak ditë më parë u lajmërua se filmi “Dy Gisht Mjaltë” do të transmetohej në të gjitha kinematë e Turqisë, ndërkohë ditën e sotme, këngëtarja e talentuar Elvana Gjata ka dhënë lajmin e shumëpritur.
Tashmë të gjithë shqiptarët që gjenden nëpër Evropë do kenë mundësinë që ta shohin komedinë ku dy protagonistët kryesorë janë moderatori i njohur Ermal Mamaqi dhe Elvana Gjata.
“E keni imagjinuar ndonjëherë të shihni një film shqiptar në Evropë? Unë mund t’ju them vetëm që kjo tashmë është e mundur! Fillimisht në Zvicër, në datën 3 maj, më pas në Austri, Gjermani, Holandë, Suedi, Itali, Greqi, Mal të Zi… Shihemi atje dhe shpresoj të shijoni çdo sekondë të tij!”- ka shkruar këngëtarja në Instagram.
https://www.instagram.com/p/Bw2UIeiB_ca/?igshid=1nlrnlv87mq2s
Pra turneu i filmit të suksesshëm tashmë ka nisur dhe pa diskutim që kjo është një arritje e madhe për kinematografinë shqiptare.
