Fëmijët rriten me shpejtësi kurse, në rastin e Valbona Selimllarit, rriten me shpejtësi për t’u bërë akoma më shumë si e ëma.
Në foton më të fundit të shkrepur bashkë, Miss-i e përjetshme dhe djali i saj Kein, duken me të vërtetë si dy pika uji!
Ishte gazetari Eraldo Rexho ai që publikoi këtë foto në Instagram-in e tij, duke na shfaqur një Kein shumë më të rritur se ç’dukej vetëm një vit më parë.
Keini është djali i dytë i Valbona Selimllarit, e cila ka gjithashtu një djalë më të madh dhe një vajzë të vogël, e cila meqë ra fjala, është po ashtu një kopje e mamit.
Që Valbona Selimllari ka tre fëmijë, u bë publike vetëm në 2013-ën.
“Ka qënë një zgjedhje e imja që të mos flisja për fëmijët në media. Jam shumë protektive ndaj familjes”, u shpreh ajo asokohe e ftuar në emisionin “Kontrata” në “Agon Channel”. Që atëherë, Miss-i e përjetshme shqiptare është shkëputur gradualisht nga profili i rezervuar që kishte zgjedhur për familjen, duke u shfaqur disa herë në publik me të tre fëmijët.
