Duke filluar nga dita e nesërme punonjësit e administratës do të kenë 5 ditë pushim.
E shtuna dhe e diela dihet që është pushim për administratën ndërsa dita e hënë është pushim për shkak se Festa e Pashkëve i bie të dielën dhe dita e pushimit zhvendoset të hënën. Deri këtu jemi dakord pasi këtë e ka përcaktuar qartazi ligji.
Të martën që punonjësit duhet të ktheheshin në punë, është vendosur që të bëhet ditë pushim me vendim qeverie. Kjo nuk është hera e parë që vendoset për diçka të tillë, por mesa duket nuk qenka as e fundit.
Shtoji kësaj edhe faktin që 1 maji është pushim për “Festën e punëtorëve”, i bie plot 5 ditë pushim për punonjësit e shtetit.
Ata do të kthehen në punë të enjten e javës tjetër, prandaj nëse keni ndonjë punë në zyrat e shtetit, na vjen keq, por do t’ju duhet t’i shtyni.
Burimi: Newsbomb.al
