Emisioni i mbrëmshëm në “Soiree” ka qenë disi i pazakontë. Duke filluar nga veshja e të ftuarve me pizhama, fakti që Isli Islami këndoi apo se në fund të emisionit u bë loja e famshme me shishe.
Nëse edhe ju e keni luajtur të paktën njëherë në jetë këtë lojë, e dini se aty drejtohen pyetje të vështira, por duhet të japësh përgjigje të sinqerta. Pyetja e fundit iu drejtua moderatores dhe autores së programit, Jonidës. Ajo u vu përballë Eni Shehut i cili e pyeti:
“Nga figurat e Top Channel që janë larguar dhe nuk janë më, kush duhet të rikthehet me patjetër dhe pse? Ndër vite, në 10 apo 15 vite”?
Jonida ka kërkuar pak ndihmën e Islit dhe ky i fundit i ka përmendur Alketa Vejsiun e cila e ka filluar karrierën në “Top Albania Radio” dhe Marina Vjollcën.
Por Jonida zgjodhi Marinën….
“Unë do doja Marinën. Realisht me mungon Marina se ka shumë kohë që nuk e shoh asgjekundi dhe do doja ta shihja në Top Channel”, u shpreh Jonida.
Në media ka qarkulluar lajmi se Marina mund të rikthehet në shtator me një programin të sajin në Tv Klan, por deri tani asnjë nuk është konfirmuar.
Burimi: Programi “Soiree”.
