Ditën e sotme besimtarët katolikë në mbarë botën festojnë Pashkët.
Siç e do tradita, festa nis në mesnatë përmes një meshe në të gjitha kishat.
Pas kremtimit të “Udhës së Kryqit”, një ritual i besimtarëve katolikë përgjatë festës së Pashkëve është bekimi i ushqimit.
Në Tiranë, shumica e besimtarëve janë drejtuar drejt Katedrales së Shën Palit për të bekuar ushqimin e festës së Pashkës.
Kjo është një ditë tejet e veçantë për ta pasi sot merret bekimi i Zotit për ushqimet e familjes, dhe të gjithë i drejtohen Kishës Katolike me një shportë në duar e cila përmban disa nga produktet ushqimore që serviren në tavolinën e së dielës së Pashkës.
Çdo shportë mund të ketë gjëra të ndryshme, mirëpo veza e kuqe që simbolizon ngjalljen e Krishtit duhet të dominojë dhe kurrsesi nuk duhet të mungojë.
Gëzuar!
