Këngëtari i njohur i muzikës popullore, Dani ka folur sot në emisionin e mëngjesit për një projekt të ri muzikor të punuar nga kantautori Irkenc Hyka.
I ftuar në #Gjesi në “T7”, Dani ka thënë se shumë shpejt do të publikojë edhe dy projekte solo, për të cilat është duke punuar.
Njërën prej këtyre këngëve ia ka realizuar kantautori Irkenc Hyka, por Danit nuk i ka pëlqyer dhe ia ka ktheur kantautorit për ta punuar sërish.
Ai tha se pret që Irkenci t’i realizojë një tjetër këngë sepse beson që ai mund të bëjë më shumë.
“E kam incizuar këngën edhe e kam përfunduar krejt, por kur e mora dhe e dëgjova nuk më pëlqeu, nuk ju pëlqeu as djemve e as shokëve, asnjërit nuk na ka pëlqyer”, tha ndër të tjera Dani.
Këngëtari i njohur do të publikojë të shtunën projektin e tij më të ri muzikor.
