Pas përfundimit me sukses të masterit për “Trajtimin e Demencës” , besojeni apo jo ka qenë vetë mbretëreshë Silvia e Sudisë, e cila i ka dorëzuar diplomën shqiptarit Vasil Pema.
Aktualisht Vasili jeton dhe punon si mjek në Suedi, ndërkohë që ky master është i një niveli të rëndësishëm, sepse mbështetet nga vetë Mbretëresha e Suedisë përmes fondacionit “SilviaHemmet” dhe nga Instituti “Karolinska” në Stokholm.
Ky master është pjesë e specializimit si Mjek Psikiatër, specializim i dytë për Vasilin, pasi më herët ai ka përfunduar edhe specializimin si mjek familjeje.
Vlen të theksohet se në botë janë vetëm 27 mjekë të cilët kanë përfunduar kursin e trajtimit të demencës, ku shumica prej tyre jetojnë dhe punojnë në Suedi.
Rastet e suksesit të shqiptarëve në botë nuk mungojnë, por sa mirë që kësaj rradhë qe në fokus fusha e mjekësisë.
Epo nuk ndodh përditë të të dorëzojë diplomën Mbretëresha e Suedisë apo jo?
