Olsi Bylyku ka pranuar për herë të parë që është i dashuruar.
Sot në emisionin “BE Coffee” teksa ishin të ftuar Anxhela Peristeri dhe Mateus Frroku, Erion Isai pyeti dyshen se kush është më i dashuruar.
I pari që u përgjigj ishte Mateus, i cili tha emrin e Anxhelës duke nënkuptuar se ajo është e dashuruara në këtë mes.
Por Anxhela e mohoi dhe për të rregulluar situatën reagoi Olsi, i cili tha: “Ta them une kush eshtë më i dashuruar, unë”.
Në atë moment Erioni iu përgjigj duke e konfirmuar lidhjen e re të kolegut të tij: “Ti je sefte, po e shijon”.
Aktori i njohur i humorit Olsi Bylyku para pak ditësh është fotografuar pranë të dashurës së tij gjatë premierës së filmit “2 gisht mjaltë”.
Por ai nuk e la me kaq pasi vendosi të konfirmojë lidhjen me të dashurën e tij e cila quhet Egli dhe ka studiuar për Kanto.
Olsi publikoi një foto në Insta Story pak ditë më parë, ku shfaqet krah bukuroshes në makinë.
