Kejsi Tola ishte sot e ftuara speciale e “Ka një mesazh për ty”, për të surprizuar një fansen e saj të veçantë të quajtur Xhoja.
Kjo e fundit u përshkrua nga e ëma e ftuar në program, si një adoleshente disi e “llastuar” që kërkon privilegje që mund të jenë të vështira për t’u realizuar.
Për ta bindur që të arsyetojë, mami ka thirrur në ndihmë idhullin më të madh të vajzës, Kejsi Tolën. Kozeta tregoi se si ka ardhur në jetë gëzimi i tyre, vajza e vetme, Xhoja:
“Sot ajo ka një fiksim nëse do diçka e realizon me çdo kusht. Për ditëlindje nuk donte gjë, vetëm më tha të shkojmë të shikojmë Kejsi Tolën në Elbasan për Ditën e Verës. Kejsin e kemi në mëngjes, në drekë, në darkë, e kemi pikturë në dhomën e gjumit dhe të gjitha këngët i dimë përmendësh, i dimë edhe të gjitha detajet e jetës së Kejsit përmes Instagramit. Komunikojnë dhe nëpër grupe se çfarë bën Kejsi dhe ku është gjatë ditës. Në telefonin e saj ka mbi 200 foto të Kejsit, zemrës sime siç thotë Xhoja. Ajo është edhe e fiksuar tek iPhone dhe ne ja kemi plotësuar që e vogël vetëm të ishte me fletë lavdërimi, të gjitha 10-ta dhe ne i plotësonim. Tani kërkon modelin e fundit të iPhone, por edhe plotësimet kanë një kufi. I ati i ka premtuar që kur të jetë 15 vjeç do i’a blejë, por tani ajo është vetëm 13. Jetesa është bërë pak më e vështirë dhe tani nuk është më e vogël. Më mirë mos ta kesh këtë telefon është edhe mesazhi që sot Kozeta do i japi vajzës së saj”.
Kejsi Tola erdhi në studion e rubrikës “Ka Një Mesazh Për Ty”, ku përveç surprizës ajo ishte e vetmja që mundi t’i kërkojë Xhojas që të heqi dorë nga iPhone i fundit.
