Romanca e tyre u përfol në fillim të vitit, pas ndarjes së aktores Kristen Stewart nga modelja Stella Maxwell.
Dhe ja nuk vonoi shumë që Kristen Stewart dhe Sara Dinkin ta tregonin në publik dashurinë që kanë për njëra-tjetrën, kur u fotografuan në Coachella në LA të premten.
Aktorja e “Twilight”, 28 vjeç, dhe e dashura e saj stiliste, 28 vjeç, ndanë një puthje të zjarrtë duke i hedhur krahët në qafë njëra-tjetrës.
Të ulura përtokë, në bar, Kristen dhe Sara dukeshin shumë të dashuruara dhe kishin shumë fjalë për t’i thënë njëra-tjetrës në vesh.
Në mesin e mijëra njerëzve ato kishin sy vetëm për njëra-tjetrën. Në një moment Kristen dhe Sara gjithashtu treguan anët e tyre lozonjare ndërsa kërcenin nën melodinë e filmit që po shihnin në ekran.
Kristen ka qenë e lidhur më parë me modelen e Victoria’s Secret, Stella Maxwell, me të cilën u nda në tetor 2018.
