Tani që është rikuperuar plotësisht, efektivja e forcave “Shqiponja”, Ina Nuka, ka ndarë me publikun disa detaje të pathëna në lidhje me plagosjen me kapsollë gjatë protestës para parlamentit.
E ftuar pasditen e sotme në studion e “Ftesë në Pesë” me Bieta Sulon, Ina tha se atë ditë ishte nisur për në punë si gjithnjë, vetëm se ndryshe nga herët e tjera, kishte një parandjenjë të keqe, të cilës nuk i besoi, por vendosi të shkonte në punë.
Më pas, 24-vjeçarja shpejgoi rrjedhën e ngjarjes, duke pranuar se disa ditë më vonë, pas ndërhyrjeve të para, i kishte humbur të gjitha shpresat se mund të rifitonte gishtat e dëmtuar.
Madje në momentin që i kishin propozuar për të zëvendësuar gishtin me një prej gishtave të mëdhenj të këmbës, Ina kishte refuzuar, duke marrë përsipër edhe riskun që të qëndronte në atë gjendje.
Fatmirësisht, pas katër ndërhyrjeve ajo ka rifituar gishtat dhe mund të kryejë të gjitha funksionet edhe më dorën e plagosur.
Tashmë Ina i është kthyer detyrës, madje vetëm pak ditë më parë u vlerësua nga Ministri i Brendshëm me “Medaljen e Nderit”.
