Pas filmit “2 Gisht Mjaltë” që pati sukses në kinema që në ditët e para, protagonisti kryesor Ermal Mamaqi ishte sot në “E Diell” në “Top Channel”për të folur për prapaskenat.
Gjatë bisedës për historinë e këtij filmi, Ermali na zbuloi se fillimet e lidhjes së tij me Amin nuk ka qenë “2 gisht mjaltë”. Prej 9 vitesh të martuar me njëri-tjetrin, Mamaqi tregoi se ka pasur shumë vështirësi në fillimet e lidhjes:
“Lidhja ime me Amin në kohën kur ne u dashuruam për herë të parë dhe e kuptuam që ishim për njëri-tjetrin, nuk ka qenë e lehtë sidomos për mua, por edhe për të”, ka rrëfyer ai.
“Kemi pasur shumë vështirësi, për disa arsye, por tani unë besoj se periudhën e keqe, pra atë që ndodhet poshtë “2 gisht mjaltit”, e kemi kaluar në fillim kështu që tani, në martesën tonë, kemi vetëm mjaltë”, deklaroi moderatori shqiptar.
Amarda Toska dhe Ermal Mamaqi janë sot prindër të dy fëmijëve, Joeli dhe Sia dhe një ndër çiftet më të suksesshme.
