Më 11 mars Skerdi Ago dha vendimin e papritur se do të hiqte dorë për një periudhë kohore nga muzika. Lajmin këngëtari shqiptar e dha përmes një postimi në Instagram, ku u shpreh se për muzikën kishte sakrifikuar shumë gjëra dhe se do të bënte pushim për një farë kohe, deri në përgatitjen e projekteve të reja.
“Do të bëj pushim për pak kohë, në mënyrë që të jem shumë energjik atëherë kur të rikthehem. Do shihemi shumë shpejt me projekte dhe gjëra të reja, atëherë kur është momenti im”, shkroi ndër të tjera Skerdi, ndërsa shtoi se kishte zgjedhur të vijonte i vetëm.
Dhe vetëm një ditë para kësaj deklarate ai njoftoi shkëputjen nga kompania diskografike “Redbox”, pjesë e së cilës ishte prej kohësh bashkë me Gjikon.
Ndërkohë që kanë kaluar vetëm 15 ditë nga deklarata e tij, Skerdi njofton se do të sjellë shumë shpejt këngën e re.
Këngëtari publikoi pamje nga xhirimet e klipit të ri, ndërsa në foton e publikuar në Instagram shkruan: “Së shpejti…”.
https://www.instagram.com/p/Bvd073xgcus/
Nga ana tjetër në videon e publikuar në Insta Story ai etiketon kushëririn e Gjikos, Besjan Rexhajn, i njohur me pseudonimin Kech Montana.
Si për paradoks, Kech Montana është pjesë e kompanisë “Redbox” në pozicionin e tekstshkruesit dhe drejtuesit të klipeve.
Kështu që Skerdi ndoshta duhet të tregohesh më i sinqertë me fansat dhe ndjekësit e tu!
