Një ngjarje e rëndë ka ndodhur së fundmi në Mosul të Irakut ku rreth 100 persona janë mbytur si pasojë e përmbysjes së një trageti.
Ngjarja ka ndodhur ditën e enjte, mirëpo sipas raportimeve të fundit trageti i cili po kalonte lumin Tigër ishte i mbushur me familje të cilat atë ditë festonin Vitin e Ri kurd.
Ndërkohë, Kryeministri i Irakut Adel Abdel Mahdi ka urdhëruar mbajtjen e 3 ditëve zie kombëtare në shenjë respekti për viktimat.
Zëdhënësi Saad Maan gjatë një deklarate publike theksoi se ndër të tjerë, të paktën 19 fëmijë dhe 61 gra ishin në mesin e të vdekurve.
Nga ana tjetër, një zyrtar i sigurisë ka pohuar për “AFP” se trageti është mbytur për shkak se numri i pasagjerëve në bord ka qenë shumë i lartë.
