Gratë në Shqipëri i vlerësojnë marrëdhëniet e tyre me burrat si shumë të tensionuara.
“Monitor.al” shkruan se rreth 40% e të anketuarave në Anketën e cilësisë së Jetës të kryer nga Komisioni Europian janë përgjigjur se perceptojnë se midis burrave dhe grave në Shqipëri ka shumë tension.
49% e grave të pyetura e kanë vlerësuar marrëdhënien midis burrave dhe grave si shumë të tensionuar, përkundrejt 32% të burrave.
Pas Shqipërisë, vendi që ka përqindjen më të lartë të të anketuarve që janë përgjigjur se në marrëdhënien midis dy gjinive tensioni është i lartë është Turqia me 29% të të anketuarve.
Ndër vendet anëtare të Bashkimit Europian, vetëm 9% e të anketuarve janë përgjigjur se perceptojnë shumë tension midis burrave dhe grave.
/Monitor
