Kandidati për deputet i LSI-së, Ralf Gjoni, u sulmua mëngjesit e sotëm nga një person, i cili po priste momentin që ai të dilte nga hyrja e pallatit.
Një tjetër person që ndodhej në të njëjtin lokal, i vendosur pranë pallatit në zonën e Liqenit të Tiranës, ka arritur të regjistrojë me celular të gjithë skenën.
Në video duket momenti kur Ralf Gjoni del nga hyrja duke folur në telefon. Në këto momente djali i ulur në kafene çohet nga karrigia, i drejtohet politikanit dhe shiringën me bojën e kuqe ia spërkat në fytyrë.
Pavarësisht se Gjoni mundohet ta devijojë, situata ndodhi kaq shpejt sa ishte e pamundur ta shmangte. Më pas i riu largohet me vrap, ndërsa ende nuk është bërë i mundur identifikimi i tij.
Kandidati për deputet i LSI-së, i cili zëvendëson Klajda Gjoshën, do të betohet sot në Kuvend.
