Emma Roberts ka bërë disa ndryshime në jetën e saj personale. Sipas “UsWeekly”, aktorja 28-vjeçare është ndarë nga i fejuari Evan Peters dhe është në një lidhje me aktorin Garrett Hedlund.
Ky i fundit njihet për lidhjen e tij me aktoren Kirsten Dunst dhe për rolet në filmat “Country Strong” dhe “Tron: Legacy”.
“Garrett dhe Emma kanë qenë miq, por kjo është diçka e re, e paplanifikuar, që ka ndodhur vetëm pak javë më parë”, thotë një burim.
Sipas burimit ata janë dalluar të kapur për dore në Los Angeles, ndërsa ndarja e saj nga i fejuari nuk është e papritur.
“Emma dhe Evan ishin drejt ndarjes dhe tani janë miq. Nuk ishte një ndarje e vështirë”, thotë një tjetër burim.
Roberts dhe Peters u lidhën në 2012-n, pasi luajtën në filmin “Adult World” dhe më pas punuan bashkë për katër sezone të “American Horror Story”.
Burimi: Daily Mail
