Nëse keni planifikuar që të ndiqni nga afër ndeshjen Shqipëri-Turqi, atëherë nuk do t’ju lejohet që të merrni me vete në stadium disa sende të caktuara.
Në mënyrë që të parandalohen përplasjet e mundshme mes tifozëve apo prishja e ndeshjes, policia do të ndalojë disa prej sendeve.
Të premten do të mbahet ndeshja e parë e Shqipërisë për eliminatorët e Europianit 2020, në stadiumin “Loro Boriçi” në Shkodër.
Sendet që nuk do të lejohen në stadium:
1.Banderola të pamiratuara nga Federata
2.Sende të forta dhe shishet e qelqit
3.Materiale piroteknike, si shashka, kapsolla, flakadanë, etj.
4.Çadra dhe çakmak
5.Lazer
6.Bori apo bilbila
7.Kamera të ndryshme dore apo aparate që mund të filmojnë ndeshjen
8.Shkopinjtë e drurit apo prej hekurit për flamujt
