Martesat e lumtura ekzistojnë dhe historia e Luftarit në programin “Ka një mesazh për ty” është rasti që e dëshmon një histori të bukur dashurie.
Luftari jeton në Vlorë dhe në lagjen e tij u dashura me një vajzë 17-vjeçare, Shpresën që ishte “e keqe” sepse nuk të lejonte fare t’i bëjë muhabet.
“Ne jemi në një lagje, njihemi që në moshën 13-vjeçare me Shpresën, bashkëshorten time. Ka qenë edhe e keqe si shoqe lagje, nuk të lejonte të flisje ndryshe, të bëje më shumë muhabet. Unë e ngacmoja, por nuk më lejonte, largohej, ikte. Ajo diferenca më bëri që u ngjita shumë me atë, vinim në plazh. Unë isha 22 ajo 17, prindërit mundoheshin të më fejonin.
Luftari i tha të atit që ishte i dashuruar me Shpresën dhe kjo e fundit nuk pranonte deri kur ta mësonte se kush ishte ky djalë që e donte kaq shumë:
“U duk si çudi, sepse familja ishte e vështirë, ishin fanatik, nuk donin. Vajti njeriu që dërguam tek shtëpia, i thanë është një djalë që të kërkon për nuse, por Shpresa nuk pranonte pa i thënë se kush është, jam e vogël. Pas dy ditësh tha më thoni se kush është ky bukuroshi. Kur i thanë që është Luftari tha mirë do mendohem njëherë se i pëlqeu, pastaj pranoi u fejuam. Unë kam qenë edhe në emigracion në Greqi, prapë fejesa isha shumë në siklet. Ajo e di që unë kisha lidhje më parë, por isha një njeri komplet ndryshe, pa u fejuar lutesha më sill një nuse të mirë, të kem një familje të mirë. Vjehrri kur u fejuam nuk ma linte vajzën ta merrja xhiro, por i thashë se kur të martohem do e marr dhe do iki larg, e thoja si me shaka, por ashtu ndodhi u martuam të dielën dhe të hënën u nisëm për në Greqi. Kur u ndamë dhe do iknim ai më tha atë që the e bëre”.
Sot ata kanë dy djem, dhe marrëdhënia shkon për mrekulli, por Luftari ka një merak: Shpresa nuk i ashpreh dashurinë kurrë në publik. Ndaj ai shkoi në programin “Ka një mesazh për ty”për t’i thënë në sy të të gjithëve sesa e do:
“Nuk e di, nuk e shpjegoj dot, për mua është bashkëshortja më e mirë në botë, është ajo që unë lutesha, është edhe pak me fat, pasuria ime më e madhe është Shpresa”.
Shpresa erdhinë studio dhe në ekran shfaqen disa mesazhe nga personazhe të panjohur për të, ndërsa në fund shfaqet Luftari që i shpreh dashurinë bashkëshortes.
Ai ishte i fshehur në një kuti dhuratash pranë saj dhe del për të trembur Shpresën në studio dhe në fund surprizës i bashkohen edhe dy djemtë.
/Klan
