Nëse mendonit deri dje që ia hodhët dimrit për këtë vit, na vjen keq por mos u gëzoni akoma. Pavarësisht se temperaturat ishin rritur shumë javët e fundit, nga nata e kaluar disa zona në veri dhe juglindje të vendit tonë janë mbuluar nga dëbora.
Në Dibër trashësia e dëborës arrin në 10 cm në qytet dhe rreth 15-20 cm në zonat e larta. Reshje bore ka patur edhe në Korçë, ndërsa në zonën turistike të Dardhës trashësia është mbi 10 cm.
Në Veri pavarësisht reshjeve të dendura të borës në akset kryesore nuk ka probleme me qarkullimin, me zinxhir kalohet vetëm në:
Ura Çerenecit-Stebleve kalimi bëhet (10 km e fundit, 4-5cm borë). Kuben – Vasije pjesërisht me zinxhirë në 5 km e fundit në lartësi 10-15 cm borë.
Në Jug nuk ka probleme me qarkullimin e mjeteve në akset rrugore.
