Ky koncert ishte i veçantë për Tunën, pasi u bë për promovimin e albumit të saj më të ri, u mbajt në Ditën e Gruas dhe e riktheu në një formë tjetër që na kishte munguar prej kohësh. Koncerti riktheu Tunën e baladave!
Këngëtarja nga Shkupi performoi shtatë këngët e saj, që duket se ishin larg rrymës pop dhe muzikës komerciale.
Por cfarë zgjodhi për të veshur këngëtarja?
Veshja e Tunës ishte realizuar posaçërisht për të nga dizajnuesja Jetmira Bejtullahu dhe mund të quhet kostum-fustan. Me këtë veshje pa gjini, Tuna duket se donte të thyente konceptin që kemi për modën e grave dhe të meshkujve.
Një anë e veshjes ishte me pantallona, ndërsa ana tjetër me një fund të gjatë me fruda që i lejonte këngëtares të tregonte këmbën. Sa joshëse e bënte të dukej ky detaj, aq përcillte edhe mesazhin e gruas së fortë.
Ajo riktheu në skenë pas shumë vitesh mungesë si këngëtar Armend Rexhepagiqin, i cili performoi me Tunën i ulur në një stol.
Gjithashtu edhe Yll Limani u shfaq në koncert për të performuar bashkëpunimin e tyre.
Patrisi ashtu siç u paralajmërua një ditë më parë ishte pjesë e bandës së muzikës, ndërsa ende nuk dihet nëse djali i tyre Tian ishte mes audiencës, por jemi të sigurt që ishte në albumin e saj përmes një dedikimi.
Burimi: Instagram/Iconstyle.al
