Afërdita Dreshaj publikon shpesh foto familjare dhe nga jeta e saj private. Por një person që nuk e kemi parë asnjëherë në fotot e saj është i ati dhe arsyen e mungesë së tij shumë prej jush e di.
Një prej ndjekësve të saj e pyeti modelen në Instagram pikërisht për këtë detaj:
“Nuk e shoh asnjëherë babin tënd në fotot e Instagram-it, pse? Vetëm mamin tënd?!”.
Afërdita na emocionoi të gjithëve me përgjigjen e saj, pasi kujtoi ndjekësit se babai i saj ka ndërruar jetë kur ajo ka qenë vetëm 12 vjeçe.
“Do të dojë të kisha mundësi të publikoja fotografi me babin aq sa postoj me nënën. Por babai im ka ikur kur unë isha vetë 12 vjeçe. Ai është engjëlli im”, shkroi Afërdita.
Në fillim të këtij viti, Afërdita ndau me ndjekësit në Insta Story arsyen pse nisi rrugën e muzikës:
“Ëndrra e babait tim ishte që të bëhesha këngëtare, në moshën 12-vjeçare (kur ai ishte ende gjallë) më çoi të regjistroja këngën time të parë. Pasi ai ndërroi jetë ishte shumë e vështirë të vazhdoja para, por duhej t’i tregoja atij se do ta vazhdoja ëndrrën time dhe të tij… Mamaja ime është një grua shumë e fortë, ajo më dha krahë për të vazhduar”.
