Bes Kallaku ka treguar sot në “BECaffee” një episod që do t’ju bëjë të qeshni me të madhe.
Bashkë me Sabri Fejzullahun dhe artistë të tjerë, aktori i humorit ishte në një koncert në Itali për të performuar.
Por duke qenë se në sallë nuk kishin ardhur as çereku i publikut, halli më i madh i Sabriut ishte nëse do të paguhej në fund të koncertit nga organizatori.
Për këtë arsye këngëtari legjendar e ndiqte nga pas organizatorin duke e quajtur “Loçka ime”, pasi e kuptoi se mund të dilnin nga koncerti të pafituar.
Dhe në një moment kur Bes Kallaku ishte në banjo, dëgjoi teksa Sabriu kapi mat organizatorin e dasmës duke u larguar nga dera e banjos.
Duke dëgjuar bisedën e tyre Besi tha se Sabriu i kërkoi organizatorit të paguante vetëm atë.
“Më jep lekët e mia dhe ik”, i tha ai.
Sapo e dëgjoi këtë Besi doli menjëherë dhe kur Sabriu e pa i kërkoi organizatorit të paguante dhe aktorin: “Jepja dhe këtij dhe ik”.
E gjithë kjo histori iu duk e pabesueshme Ermal Fejzullahut, i cili ishte i ftuar sot në programin e humorit.
