Ditën e sotme Bujar Spahiu është zgjedhur kreu i ri i Komunitet Mysliman të Shqipërisë.
Më parë, Bujar Spahiu mbante postin e nënkryetarit të KMSH, ndërkohë ditën e sotme u zgjodh në krye të institucionit në fjalë me 59 vota.
Në garë ishte myftiu i Tiranës Ylli Gurra që mori 26 vota dhe myftiu i Lushnjës Gramoz Blliku, i cili mori 2 vota.
Pas fitores, Bujar Spahiu u shpreh se ndihet i nderuar, por edhe i vendosur para sfidave: “Më keni nderuar e më keni vënë përpara vështirësisë. I lutem Zotit të jem i drejtë në këtë detyrë të vështirë. Lutuni Zotit që të ma bëjë më të lehtë këtë barrë. KMSH në lidershipin tim do ruajë traditën e paraardhësve.”
Rikujtojmë se Skënder Bruçaj u tërhoq nga gara për një mandat të dytë 5-vjeçar në krye të KMSH. Gjithashtu edhe Myftiu i Kukësit Islam Hoxha u tërhoq nga gara.
