Skandali i tradhtisë së Jordyn Woods me Tristan Thompson, partnerin e Khloe Kardashian, duket se sa vjen e thellohet.
Vetëm një ditë më parë, Jordyn, shoqe e ngushtë me Kylie Jenner, rrëfeu për herë të parë publikisht versionin e saj të historisë në emisionin “Red Table Talk”.
Jordyn u shpreh se ka qenë thjesht një puthje në buzë, nuk ishte pasionante, as me gjuhë, duke mohuar një lidhje të mundshme mes saj dhe Tristan.
Sakaq deklarata e saj duket se nuk u mirëprit nga Khloe, e cila në një shtatus në Twitter shkroi : “Pse po gënjen? Nëse po përpiqesh që të shpëtosh veten tënde duke folur publikisht, në vend që të më marrësh mua privatisht dhe të më kërkosh falje fillimisht, të paktën ji e sinqertë në rrëfimin tënd. Meqë ra fjala. Ti je arsyeja që familja ime u nda.”
Mirëpo, së fundmi, ka reaguar edhe grimieri i famshëm Jefree Star i cili më deklaratën e tij e ka përkeqësuar historinë.
Sipas tij, 27-vjeçari dhe Jordyn kanë qenë të lidhur prej një muaji dhe janë munduar që romancën e tyre ta mbajnë të fshehtë nga syri i publikut.
“Jordyn vërtetë sapo tha që teksa po dilte nga shtëpia e Tristan, ai e puthi në buzë?
Kjo është një gënjeshtër! Ju keni një muaj ose dy që jeni të lidhur me njëri-tjetrin. I gjithë qyteti i Calabasas e di. Ka sy kudo, ka njerëz që nuk janë të famshëm që i keni komshinj. Dhe çdokush shikon gjithçka. Ju keni qenë të lidhur për njëfarë kohe dhe më në fund u zbulua. Ti tani je e shokuar që e vërteta doli në shesh dhe po mundohesh të shpëtosh veten.”
Tashmë nuk na mbetet gjë tjetër veçse të presim reagimin e radhës nga një tjetër personazh publik!
