Menjëherë pas intervistës së Jordyn Woods, reagoi edhe Khloe Kardashian. 21-vjeçarja tregoi se nuk ishte ajo arsyeja e ndarjes së Khloe dhe Tristan Thompson. Por nga ana tjetër Khloe bëri një postim duke e quajtur gënjeshtare.
“Pse gënjen Jordyn? Nëse do të përpiqesh që ta shpëtosh veten publikisht, në vend që të më marrësh privatisht për të kërkuar falje, të paktën ji e sinqertë për historinë tënde. Ti je arsyeja pse familja ime u përça”, shkroi ajo në postimin e saj të parë në “Twitter”.
Ajo më tej sqaroi edhe arsyen pse nuk ka reaguar publikisht për Tristan, duke e justifikuar se është babai i vajzës së saj dhe se ai ka folur privatisht me Khloe-n.
“Tristan është për t’u fajësuar njësoj, por Tristan është babai i fëmijës tim. Pavarësisht se çfarë më bëri, nuk do t’ia bëja këtë fëmijës tim. Ai ka reaguar për situatën privatisht. Nëse Tristan do të gënjente publikisht, atëherë do t’i përgjigjesha publikisht gjithashtu”, shkruante ajo në postimin e dytë.
Jordyn hodhi gjithashtu poshtë thashethemet se ka kryer marrëdhënie seksuale me Tristan!
Burimi: Daily Mail
