Vetëm pak ditë më parë, përmes një fotoje të postuar në llogarinë e tij në Instagram, koreografi Albi Nako zbuloi për ndjekësit se është transferuar në Itali, në televizionin e njohur “Rai”.
Kaq mjaftoi për të vërshuar komentet e shumta, ku ndër to ra në sy komenti i ish-bashkëshortes së tij Klaudia Pepa dhe i Alba Hoxhës. Kjo e fundit prej kohësh përflitet se është në një lidhje me Albi Nakon.
“Paç fat!”- shkruante Klaudia.
Nga ana tjetër, Alba i komentoi: “Domethënë na le?”
Koreografi, siç mund ta shihni edhe në foton e mëposhtme, të dyjave ua ka kthyer komentin me emoji, pa asnjë fjalë!
Ndërkohë, së fundmi, Albi përgjatë një interviste për “Revista Class” ka pohuar se është në një tentativë projekti brenda “Rai-t”: “Njeriu është i lirë që të bëjë zgjedhje në jetë dhe të mos qëndrojë në një vend. Jam në një tentativë projekti brenda “Rai-t” që ka lidhje me baletin, sigurisht. Nuk jam shkëputur nga televizioni “Klan” sepse unë aty kalova 20 vite të karrierës dhe arritjeve të mia profesionale. Për sa kohë do të ketë projekte të reja, unë jam i gatshëm të bashkëpunoj. Sa i takon “Rai-t” jam 80% afër realizmit të këtij projekti të madh.”
I pyetur nëse projekti i tij ka lidhje me ish-partneren, Klaudia Pepa, Albi u shpreh: “Janë të gjitha spekulime. Nuk do të jem afër me Klaudian, edhe pse projekti im i ri ka lidhje me baletin.”
