Bleriani vendosi që t’i propozonte të fejuarës së tij Juelës duke i “ngrirë gjakun” fillimisht. Ai kishte menduar një lojë për emisionin “Dua të të bëj të lumtur”, ku përfshiu një aktore, e cila do të hiqej si e dashura e tij me të cilin ishte në një lidhje prej 6-muajsh.
Pavarësisht se Anxhela solli edhe prova për lidhjen e tyre, Juela nuk e besoi. Në një moment moderatorja e programit, Arbana Osmani i kërkoi Juelës që të largohej nga studio, pasi Anxhela kërkonte që të bisedonte vetëm me Blerianin.
Kur Juela u kthye në studio ajo gjeti surprizën e bukur, vendin e mbuluar me trëndafila dhe tullumbace. “Më fal që të bëra të kalosh këtë, ti je gjithçka për mua. A do të martohesh me mua ?”, iu drejtua Bleriani.
Ai bëri propozimin për martesë dhe përgjigja e saj ishte “Po”!
