Siguria ushqimore në supermarketet shqiptare lë shumë për të dëshiruar!
Nuk është e tepërt të themi se tani u dashka të paguajmë edhe për ushqimet me myk (dhe nuk e kemi fjalën për djathin gorgonzola).
Rasti i fundit vjen nga supermarketi “SPAR”, në Tiranë, ku një blerëse (nga sot hiç besnike e këtij supermarketi) na dërgoi këtë foto të një kavanozi me ullinj plot myk.
Produkti në fjalë kishte datën e skadimit nëntor 2021, dhe supozohej që të ishte brenda afatit për përdorim.
Ky nuk është rasti i vetëm që është raportuar nga konsumatorët shqiptarë.
Përpos mishit me mikrobe, qumshtit me Aflatoksinë apo vajit të palmës që shitet si vaj ulliri, që janë raportuar si megaskandale në vitet e fundit, rreziku na vjen veçanërisht nga produktet e importuara dhe mungesa e masave që duhet të marrin supermarketet për të shitur ushqimet të sigurta për konsumatorët.
Në fillim të vitit në Doganën e Durrësit, Autoriteti Kombëtar i Ushqimit bllokoi rreth 42 tonë banane të papërshtatshme për konsum.
Lind pyetja, sa të sigurt ndihemi ne me ushqimet që konsumojmë?
Sado kujdes të tregojmë në shtëpitë tona, sërish ka shumë problematika që dalin jashtë kontrollit tonë dhe lidhen me mungesën e laboratorëve për testimin e produkteve, apo importi i mallrave që vijë pa certifikata cilësie.
/Iconstyle.al
