Është identifikuar gruaja që u gjet e masakruar mëngjesin e sotëm nga qytetarët në kodrat e liqenit të Sharrës.
“BalkanWeb” raporton se viktima është identifikuar si Lirie Xhepa rreth 45 vjeç. Mësohet se ne trupin e viktimës janë gjetur shenja dhune me mjete të forta si dhe 3 plumba.
Uniformat blu dyshojnë se vrasja ka ndodhur në një vend tjetër dhe më pas trupi është transportuar në kodrat e liqenit të Sharrës.
Do të duhen analiza të posaçme për të përcaktuar orën e vdekjes por sipas informacioneve të grupit hetimor, gruaja është vrarë brenda 24 orëve të fundit.
Gjithashtu dyshohet se nuk është banore e zonës pasi nuk është njohur nga personat që jetojnë në zonë.
Në vendngjarje ka mbërritur grupi hetimor dhe po punon për identifikimin e viktimës si dhe zbardhjen e plotë të ngjarjes.
