Luana Vjollca ka uruar fansat pak pas mesnate për ditën e të dashuruarve, 14 Shkurtin, përmes një fotoje nga klipi i ri që ende nuk ka dalë në treg.
Moderatorja ka publikuar një imazh të shkëputur nga klipi dhe pak tekst nga kënga romantike që pritet të publikohet shumë shpejt:
“Afër ty me t’pas.. krejt t’i kisha fal. Gëzuar ditën e Shën Valentinit”, shkruan bukuroshja duke na bërë të dyshojmë se do ta kalojë e vetme Shën Valentinin.
Ai që na ra në sy është look-u i ri i këngëtares, e cila është kthyer sërish brune për xhirimet e klipit të ri muzikor.
Herën e fundit që foli për këngën e re, moderatorja tregoi se dëshiron t’u vjedhë zemrën edhe turqisht folësve.
Kënga e re mendohet se titullohet “Gyle Gyle” që në shqip ka kuptimin “Mirupafshim” dhe muzika ka ritme orientale.
