3 vite më parë Pirro Çako u nda nga partnerja e tij prej 6 vitesh, Sisilia Ujka. Çifti e bëri publike lidhjen në fund të vitit 2011, duke u shfaqur në publik gjithnjë në krah të njëri-tjetrit, pavarësisht se u përfol shpesh për diferencën 27-vjeçare të moshës.
Prej atëherë, kompozitori i njohur është treguar i rezervuar për jetën e tij private, të paktën deri më sot.
Ai është fotografuar në një lokal në Tiranë, me një femër simpatike bjonde. Ka qenë revista “Story”, e cila ka siguruar disa foto të këngëtarit gjatë kësaj kohe.
Nuk dihet ende nëse kompozitori është në një lidhje me vajzën që e ka shoqëruar, apo bëhet fjalë për një mikeshë me të cilë po pi thjesht një kafe.
Jo më kot miku i tij Ermal Mamaqi ka deklaruar dikur se Pirro “ka 10 vjet që pi kafe te Blloku vetëm me goca të reja”.
