U publikua sot autopsia e vdekjes së sulmuesit argjentinas, Emiliano Sala, i cili udhëtonte në avionin që u zhduk më 21 janar në Kanalin anglez.
Në raport thuhet se ai humbi jetën si pasojë e “plagëve në kokë dhe në gjoks”. Trupi i tij u gjet më 4 shkurt në një pjesë të avionit të shkatërruar dhe u identifikua vetëm falë gjurmëve të gishtërinjve.
Një raport i plotë i degës së Hetimeve Ajrore nuk do të publikohet për një periudhë prej 6 deri në 12 muaj, por një raport paraprak duhet të dorëzohet brenda dy javësh.
Ndërkohë ende nuk është gjetur trupi i pilotit që drejtonte avionin, David Ibbotson.
“Nëse ke shpresë, nuk duhet të dorëzohesh. Ai nuk do të ndalte së më kërkuari”, tha vajza e pilotit për “Good Morning Britain”.
