3 vite më parë gazetari Muhamed Veliu raportonte nga Londra në edicionin e lajmeve në televizionin “Top Channel”.
Në vijim ai u angazhua në të tjera drejtime të ngjashme me gazetarinë si: PR, këshilltar i medias, drejtor informacioni etj.
Ditën e sotme përmes një statusi në rrjetin social Facebook, Veliu lajmëroi se do rikthehet në “Top Channel”, pasi sipas tij nuk ka ardhur ende koha për të “varur në gozhdë këpucët e gazetarit.”
“Kësisoj kam vendosur ta rinis atje ku e lashë në prillin e 2016-tës. Të rikthehem në Top Channel me besimin tim dhe mbështetjen e gjithë stafit të këtij televizioni për të prodhuar lajme On Top njësoj si ato 11 vite, 6 në Londër dhe 5 në Tiranë. Tani është koha për të përveshur mëngët e nisur një rrugëtim të ri sa të bukur dhe sfidues. Nga sot ritakohemi në ekranin e Top Channel”, shkruan ndër të tjera gazetari i njohur. Ky i fundit u largua para 3 vitesh për shkak të disa problemeve shëndetësore.
