Alesia Bami nuk u shfaq si velina e emisionit investigativ “Stop”, që prej mbrëmjes së të mërkurës.
Velina tregoi se pushimi i saj nga puna ndodhi me një mesash dhe arsyeja ishte pjesëmarrja e saj në emisionin e televizionit rival “Ftesë në 5”, në “Top Channel”.
Por burime nga “TV Klan” treguan për “Blitz”, se veç arsyes që përmendi Alesia në rrjetet sociale, shkak për heqjen e saj nga puna ishte mungesa e profesionalizmit:
“Marrëdhënia ka nisur të kriset dhe të acarohet kohë më parë. Ajo e kishte mbushur kupën me sjelljen e saj aspak profesionale. Alesia nuk ishte korrekte me oraret dhe ka treguar mungesë respekti ndaj stafit të emisionit. Përveç kësaj, të dyja velinat duhej që për çdo dalje televizive të merrnin paraprakisht leje tek dy drejtuesit e emisionit, Saimir Kodra dhe Gentjan Zenelaj”.
Alesia tregoi mbrëmjen e djeshme përmes një Insta Story indijimin e saj për mënyrën sesi e kishin pushuar, por nuk përmendi konflikte gjatë punës.
