Deri në fund të vitit 2018, paga miniminale që u jepej shqiptarëve ishte 210 euro dhe kjo raportohet të ketë qenë më e ulëta në Europë.
Përmes një raporti “Eurostat” krahason pagat më të ulëta në vendet e Europës dhe pavarësisht se vit pas viti Shqipëria ka bërë rritje, sërish mbetet e fundit në listë.
Krahasuar me vendet e rajonit: Në Serbi paga minimale është 308 euro; në Maqedoni sipas të dhënave nga Ministria e Punës është rreth 282 euro; sipas burimeve zyrtare në Mal të Zi është 288 euro
Ashtu siç u njoftua vitin e kaluar, nga 1 janari në vend paga minimale është rritur nga 24 mijë në 26 mijë lekë. Por rritja ka ndodhur edhe për 22 prej vendeve anëtare të Bashkimit Evropian, ku vetëm Danimarka, Italia, Qiproja, Austria, Finlanda dhe Suedia nuk kanë një pagë minimale.
Paga minimale mujore zakonisht është nën 600 euro në lindje dhe mbi 1.400 euro në veriperëndim të BE. Në janar 2019, Bullgaria kishte pagën minimale më të ulët, përkatësisht 286 euro, nga të gjithë shtetet e BE-së.
Paga minimale në lindje të BE-së:
Letonia (430 euro), Rumania (446 euro), Hungaria (464 euro), Kroacia (506 euro ), Çekia (519 euro), Sllovakia (520 euro), Polonia (523 euro), Estonia (540 euro) dhe Lituania (555 euro).
Paga minimale në jug të BE-së:
Greqia (684 euro), Portugalia (700 euro), Malta (762 euro), Sllovenia (887 euro) dhe Spanja ( 1,050 euro).
Paga minimale në perëndim dhe në veri të BE-së:
Britania e Madhe (1 453 euro), Franca (1 521 euro), Gjermania (1 557 euro) , Belgjikë (1 594 euro), Hollanda 1 616 euro), Irlanda (1 656 euro) dhe Luksemburgu (2 071 euro).
Burimi: Monitor
