Kylie Jenner që prej postimit të fotos me vajzën, ku për herë të parë theu rekordin e fotos më të pëlqyer në Instagram, vazhdon të thyejë internetin!
Kësaj here 21-vjeçarja pritet të surprizojë të gjithë në datën 1 shkurt, ku do të përurojë koleksionin e saj më të ri të “kyliecosmetics”, pikërisht ditën kur vogëlushja e saj Stormi ka ditëlindjen e parë.
Por jo vetëm kaq. Në të njëjtën ditë do të mbahet evenimenti sportiv më i madh i vitit: Finalja e Super Bowl ku do të performojë partneri i Kylie-t, reperi Travis Scott dhe fansat janë të bindur se na pret diçka e madhe.
Në intervistat e mëparshme Travis është shprehur se dita që ai do të përzgjedhë për t’i propozuar Kylie-t për martesë do të jetë e flaktë, kështu që mund ta bëni vetë lidhjen!
Super Bowl është padyshim një nga ngjarjet më të mëdha të vitit dhe Travis me shumë gjasë thuhet se do të përfitojë nga performanca e tij në pushimin e madh për t’i bërë bukuroshes pyetjen e madhe.
Më parë, është përfolur se dyshja ka nisur të diskutojë për martesën dhe se Kylie i ka treguar reperit unazën që ajo do të donte, kështu që ku i dihet… Ndoshta na pret një fundjavë vërtet e “flaktë”!
