Arditi solli historinë e tij të dashurisë në programin “Dua të të bëj të lumtur”.
I riu rrëfeu se e kishte gjetur rastësisht Loredonën në Instagram dhe se fotot e kishin shtyrë që t’i bënte “follow”.
Të rinjtë kishin filluar të komunikonin me njëri-tjetrin për rreth dy muaj, e në momentin që Arditi i kishte propozuar Loredonës për t’u lidhur së bashku, ajo e kishte refuzuar. Disa ditë më vonë, Arditit i vjen një mesazh, në të cilin shkruhej se duhej ta linte të qetë Loredonën, pasi “Instagram”-in e saj e menaxhonte dikush tjetër.
Ai i ishte drejtuar programit “Dua të të bëj të lumtur” që t’i krijonte mundësinë për të takuar për herë të parë Loredonën. “Unë të kam shkruar kohë më parë në Instagram, ku të shpreha ndjenjat e mia dhe tashmë dua që të jemi bashkë”, ishte propozimi i Arditit për Loredonën.
Gjatë bisedës që u zhvillua në studio, Loredona pohoi se në jetën e saj ishte dikush tjetër dhe se nuk dëshironte të komunikonte me Arditin.
Pavarësisht fjalëve të Loredonës, ai nuk e besoi dhe shtoi se ajo gënjente. Gjithashtu, Ardti pohoi se i shkruante shumë vajzave dhe se Loredona nuk ishte e vetmja.
/Top Channel
