“Top Channel” vetëm pak ditë më parë njoftoi publikisht se sezoni i dytë i “Top Talent” do ketë ndryshime nga ai i pari.
Jo vetëm u konfirmua se prezantimi do jetë ndryshe, por edhe juria si dhe detajet për pjesëmarrje.
Ndërkohë, mbrëmjen e sotme në emisionin “Voilà”, që transmetoi puntatën e parë livestream në kanalin e YouTube-it të “Top Channel”, u zbulua se kujt i është besuar prezantimi.
Vendin e Kelvi Kadillit, i cili moderoi “Top Talent” gjatë sezonit të parë, do e zërë Eneda Tarifa.
Më parë, Tarifa ka prezantuar “Portokalli” si dhe ka qenë pjesë e jurisë në “The Voice Kids”.
