Ditët e fundit ka patur një rritje të lehtë të temperaturave, por gjithsesi moti mbetet i paqëndrueshëm.
Ditën e nesërme kthjellimet dhe vranësirat kalimtare do mbizotërojnë deri në mesditë në të gjithë Shqipërinë.
Temperaturat e ajrit do të ulen lehtë në mëngjes, por mesdita ruan vlera konstante duke luhatur vlerat ditore nga -6°C në zonat malore deri në 12°C bregdeti.
Sipas “Meteoalb” temperaturat e ajrit këtë fundjavë do të pësojnë një ulje, ndërkohë në zonat malore do të ketë reshje dëbore.
Përsa i përket fillimit të javës, pritet të ketë kthjellime dhe rritje temperaturash.
