Një ngjarje e rëndë ka ndodhur në Korçë ku një person ka vrarë një tjetër në trotuar.
Sipas informacioneve viktima mësohet të jetë një 30-vjeçar, i cili është ekzekutuar me një plumb në kokë dhe fytyrë në një nga rrugët e banuara të lagjes Nr.10, e njohur ndryshe si lagjia e “Francezëve”.
Dyshimet e para janë se vrasja ka ndodhur pas një sherri që kanë pasur në një nga baret e Korçës vrasësi dhe viktima, mirëpo ende nuk ka asnjë pistë se çfarë mund të ketë ndodhur.
Plumbat e marrë në kokë dhe fytyrë janë duke e vështirësuar punën e policisë për verifikimin dhe identifikimin e trupit të pajetë.
Policia është duke punuar për zbardhjen e plotë të ngjarjes.
