Ajo ka performuar më shumë sesa 1000 herë gjatë 7 dekadave të karrierës së saj, por fati e deshte që ditën e djeshme, pak pas mesnate Carol Channing të ndahej nga jeta.
Ylli i kinemasë kishte pasur probleme kohët e fundit me shëndetin dhe si rrjedhojë ndarja nga jeta ka ndodhur për shkaqe natyrale, raportojnë mediat e huaja. Channing, 97 vjec u gjet e pajetë në shtëpinë e saj në Kaliforni.
Legjenda e skenës së Brodway ishte e famshme për rolet e saj në: “Përshëndetje Dolly” dhe “Zotërinjtë preferojnë bjondet”.
Channing ka fituar gjatë karrierës së saj të gjatë tri cmime “Tony” dhe një “Emmy”. Madje ajo ishte pjesë edhe e “Grammy Hall of Fame”, e cila nderon të gjithë figurat cilësore dhe historike te Brodway.
Lamtumirë Dolly!
