Të jesh një Dukeshë nuk është e lehtë aq më tepër kur nuk vjen nga një familje mbretërore. Por Meghan Markle ka treguar së fundmi se si i përballon ajo momentet e saj të vështira dhe ne do na duhet të mbajme shënime!
“Thjesht merrni frymë thellë dhe ndjeni vetëbesimin e brendshëm!” –është shprehur ajo në një intervistë për shoqatën “Smart Works” në të cilën Megan merr pjesë për të ndihmuar gratë të papuna që të gjejnë një vend pune.
Meghan ka rrëfyer teknikat që ajo ka përdorur gjatë kohës që ajo përshtatej me shndërrimin e saj nga një aktore në një Dukeshë. Meghan ndau përpara të pranishmëve për herë të parë kur ajo vizitoi shoqatën në mars të 2018-ës teknikat që ajo përdor për të rritur vetëbesimin e saj.
Dukesha 37-vjeçare që tashmë është shtatëzënë, në ato kohe ishte pak muaj para se të martohej me princin Harry. Ajo rrëfeu se përdorte teknikën e frymëmarrjes për të qëndruar e qetë teksa përgatitej për t’u bërë pjesë e familjes mbretërore. Ajo sigurohet që të marrë frymë thellë dhe të përqëndrohet në vetbesimin e saj të brëndshëm dhe kjo është mënyra e saj për të mposhtur çdo moment të sikletshëm.
