U përfol shumë rreth divorcit të martesës së saj të dytë. Dhe duket se Cheryl Fernandez-Versini po ndjek gjurmët e Madonna dhe Adele, Cheryl do të ndryshojë emrin. 32-vjeçarja po planifikon të ndryshojë emrin ndërsa po kalon divorcin e saj nga biznesmeni francez Jean-Bernard.
Cheryl dhe Jean-Bernard u martuan në 2014-n, 4 vite pas divorcit të saj me futbollistin anglez, Ashley Cole. Ishte pikërisht ky mbiemër, që këngëtarja u bë e famshme duke publikuar hitet e para si “Fight for this love” në 2009-n. Vetëm 1 vit më pas, ajo do të ndahej nga futbollisti, por përsëri njihej me mbiemrin e tij, ndonëse për pak kohë mbajti mbiemrin e saj: Cheryl Ann Tëeedy.
Jeta e saj private duket se nuk ka qenë aspak e qetë; Cheryl nuk i ka mohuar fjalët se ndërsa është e martuar ligjërisht me sipërmarrësin, ajo po përjeton një marrëdhënie me pjesëtarin e “One Direction”, Liam Payne. Në Instagram-in e saj, këngëtarja ka publikuar foto me këtë të fundit.
Pasi përfundoi sezonin e saj të fundit si anëtare e jurisë së X Factor-it britanik, Cheryl ka vendosur të fokusohet tek muzika. Ajo po punon për të sjellë projekte të reja, të cilat tani do të mbajnë vetëm emrin e saj: Cheryl.
Burimi: Daily Mail
