Vrasja makabër e 28-vjeçares Anxhelina Petro nga babai i saj shokoi të gjithë publikun shqiptar dhe atë grek. Por historia është më tragjike se kaq, pasi motra e saj, vajza e burrit të dytë të nënës së Anxhelinës, Klea Zenuni zbulon detaje rrënqerthëse për vdekjen e të resë.
Ajo rrëfen për “News24” se Anxhelina është varrosur e gjallë. Aleko Petro e dhunoi keq të bijën, e cila për t’i shpëtuar dhunës ishte hedhur nga dritarja. Më pas ai e kishte ndjekur dhe kishte vazhduar ta rrihte, ndërsa e kishte goditur me një shufër hekuri. Në këto momente Anxhelina kishte humbur ndjenjat, ndërsa i kishte thënë të atit ta mbulonte me diçka pasi kishte ftohtë. Aleko duke patur frikë se e bija mund të kishte ndërruar jetë, e kishte varrosur në oborr të gjallë.
Por ngjarja tronditëse nuk përfundon me kaq, pasi Klea zbuloi se i ati kishte abuzuar seksualisht me Anxhelinën.
“Kur e kam pyetur “a je e lidhur me dikë apo je e dashuruar”, Anxhelina më është përgjigjur: ‘Nuk mundem sepse zemra ime është shumë e vrarë,janë shumë gjëra në mes dhe nuk mund të shprehem dot.’”, tregoi Klea.
Për Klean, Aleko Petro ishte një njeri pijanec, xheloz dhe kumarxhi, ndërsa kërkon dënimin me vdekje për të.
Burimi: News 24
