Një ditë më parë, mediat lajmëruan se këtë vit, çifti i njohur i showbiz-it, Eni Koçi dhe Genc Prelvukaj do të organizojnë një ceremoni VIP martese, për të kurorëzuar dashurinë e tyre.
Menjëherë pas këtij lajmi ka reaguar vetë këngëtarja, e cila mohon çdo gjë në lidhje me martesën. Me shaka, Eni Koçi shprehet se nëse e organizojnë mediat, ajo mund të vijë bashkë me Gencin në këtë ceremoni.
Këngëtarja shton gjithashtu se nuk i ka shumë qejf ceremonitë. Mos do të thotë kjo se nuk do të organizojnë një të tillë?
” Të zotët e punës nuk dinë gjë. Ju po na e organizuat vijmë ne. Por ceremonitë nuk i kemi me shumë qejf”, shkruan Eni.
Në muajin dhjetor Eni publikoi foton e parë me Genc Prelvukaj si çift.
Në prag të Vitit të Ri, këngëtarja uroi dashuri dhe buzëqeshje përmes një fotoje ku pozonte me partnerin e saj në krah.
“Jeto, dashuro, qesh”, shkruan Eni teksa publikon foton në Instagram.
Pavarësisht se gjërat janë bërë shumë serioze mes tyre, ende nuk e kemi një përgjigje: Por dasma kur do të bëhet?
