Ndeshja e kampionatit spanjoll ku Albasete u përball me Granadën u shoqërua me një incident të rëndë për sulmuesin e kombëtares shqiptare Rei Manaj.
Në minutën e 30-të sulmuesi Manaj mbeti pa ndjenja dhe u dërgua për në spitalin e qytetit për t’u mbajtur nën kontroll.
Informacionet zyrtare vijnë vetëm nga skuadra, e cila bën me dije se Manaj ka kaluar mbrëmjen në spital ku i është nënshtruar kontrolleve më të detajuara pas goditjes në kokë.
“Top Channel” raporton se Manaj ka një frakturë në nofull që i ka sjellë humbjen e ndjenjave, por gjendja mbahet nën kontroll.
/Top Channel
