Ndoshta nuk e kishit vënë re, por Gigi Hadid dhe Zayn Malik nuk janë parë pranë njëri-tjetrit që prej muajit nëntor. Dhe thashethemet se çifti është ndarë sërish kanë nisur prej pak kohës.
E gjitha nisi pas mungesës së prezencës së tyre në profilet e rrjeteve sociale të njëri-tjetrit, si dhe nuk janë fotografuar bashkë prej disa muajsh.
Një burim tha se këngëtari dhe modelja mendojnë se qëndrimi larg njëri-tjetrit është gjëja më e mirë që mund të bëjnë për të shpëtuar marrëdhënien e tyre.
“Të dy janë fokusuar tek vetja dhe karriera e tyre. Zayn ka qenë në studio duke regjistruar këngë të reja dhe duke punuar për albumin e ri. Ndërsa Gigi është përqendruar tek vetja”, tha burimi.
Gigi publikoi disa foto në Instagram gjatë festave, por në asnjërën prej tyre nuk shfaqej këngëtari.
Herën e fundit që 23-vjeçarja publikoi diçka nga lidhja me Zayn ishte më 21 tetor.
Ndërsa në Instagram-in e këngëtarit nuk ka asnjë foto të supermodeles dhe ai nuk e ndjek në rrjetin social.
Gigi dhe Zayn u lidhën në nëntor të 2015-s, pak pas ndarjes së këngëtarit me të fejuarën Perrie Edëards, si edhe ndarjes së modeles nga Joe Jonas.
Pas dy vitesh të lumtura, çifti konfirmoi ndarjen në mars të 2018-s pas disa javësh spekulime, por u lidhën sërish në qershor.
Burimi: Daily Mail
