Një ditë më parë këngëtarja shqiptare, Bleona Qereti, i befasoi fansat pasi publikoi një foto nga një klinikë për fertilitetin.
Bleona gjithnjë ka qenë shumë e hapur me fansat madje edhe atëherë kur vendosi të tregojë se do të ngrijë vezët për të pasur mundësi të bëhet nënë edhe pas disa vitesh.
Këngëtarja është single për momentin dhe nuk ka ndonjë mashkull në jetën e saj, ndaj ka vendosur që të mos e humbasë mundësinë për t’u bërë nënë, me kalimin e kohës.
E pyetur së fundi nga “Prive” se kur pritet të bëhet nënë, ajo ka thënë:
“Ngrirja e vezëve është procedurë. Ka edhe dy vjet të mbarohet si punë, e pastaj shohim”, ka thënë këngëtarja.
Ngrirja e vezëve përdoret për të ndaluar orën biologjike të një femre duke ruajtur vezët e saj më të reja dhe më të shëndetshme.
Në shumë raste kjo bëhet në mënyrë që ajo të vonojë amësinë. Kur gruaja është e gatshme të bëhet një nënë, vezët mund të shkrihen dhe të kthehen në mitër si embrione, përmes një procesi të quajtur Fertilizim In vitro (IVF).
Kjo procedurë zgjat dy vjet, më pas, nëse Bleona duhet të gjejë një mashkull që do të bëhet babai i fëmijës së saj, mundësisht para moshës 40-vjeçare.
